بعض النصائح المهمة 2025 فى المطبخ
لما تحمري الشعريه او المكرونه ضيفي شويه ملح للزيت عشان اللون يبقى موحد
لما تسلقي الكرنب او القرنبيط ضيفي ربع كوبايه لبن او معلقتين كبار ورشه سكر ورشه ملح ورشه كمون عشان طعمه يبقى مسكر وكمان ما يبقاش في ريحه غازات ولونه ابيض
لما تسلقي البيض حطي شريحه او قشره ليمون ورشه ملح عشان يمتص زفاره البيض والقشر يتقشر بسرعه
لو عندك زيت حمرتي بيه بانيه او فراخ او لحمه او كفته حافظي عليه واعملي بيه المحشي بيطلع طعمه حلو قوي
حطي مع الفاصوليا او اللوبيا او اي نوع او فول او عدس حته جزر في ميه النقع او ميه السليق عشان تمتص اي غازات
في غسيل للفراخ حطي خل وما تخافيش بينضص هرمونات اللي موجوده في الفراخ
حطي في كل اكلك رشه من السكر عشان اظهار الطعم
فقلي السمك حطي مع الدقيق معلقتين كبار من النشا ورشه من الكركم عشان يديك قرمشه واي حاجه هتحمريها كل كوبايه دقيق حطي معلقتين نشا كبار
حطي في صلصه الطماطم رشه سكر وورقتين ثلاثه ورق لورو بتديكي طعم حلو للصلصه زي صلصه المطاعم
حطي ملح ورق لورو على على الدقيق واي نوع من البقوليات عشان ما تسوس
خدي معلقه عسل اسود بحبه البركه كل يوم الصبح على الريق مفيد وهيديكي طاقه وكمان اشربي كوبايه ميه
اعملي الكيكه بالزيت وفي الاخر ادهني الصينيه بقطعه زبده
اعملي محسن خبز معلقه خميره كبيره نص كوبايه سكر معلقه خل كبيره معلقه بيكنج بودر كبيره على ست كوبايات دقيق
اسلوقي المكرونه قبليها بيوم وكليها ثاني يوم عشان تتحول لالياف وما تتخانوش
حطي معلقه بيكنج بودر على اي نوع كفته عشان يزود حجمها
لو ما عندكيش ورق زبده ادهني ورق الكراريس الرسم زيت واستعمليه
حطي قطعه جبنه او معلقه جبنه مثلثات او كريمي على البشاميل الحلو او المالح هتديكي طعم وهمي
وبامر الله عندي نصايح كثير وكمان فيها توفير ودايما بقول لكم اذكروا الله عشان حاجتكم تطلع حلوه مع دعوة حلوة
Labels:
معلومة