نصائح عامله مفيد في المطبخ احفظوه عندكم

 

 

 

نصائح عامله مفيد في المطبخ احفظوه عندكم

١_ضيفي معلقه سكر لكل لتر من عصير الطماطم علي شان تتجنبي الحموضه

٢_لما تيجي تعملي المعجنات اضيفي للدقيق بيكنج بودر مع الخميرة العجينه هتبقي احلي معاكي

٣_لما تسلقي المكرونة اضيفي لكل نصف كيلو معلقه ملح لمياء السلق

ولازم يكون المياه مغليه واوعي تغطي الحله علي شان المكرونه متعجنش وقلبي المكرونه بملعقة خشب وستخدمي مصفاء اول ما تستوي تقريبا في ٧ دقايق وماتخلهاش في المياه السخنه ولو مش هتستخدمها علي طول ضيفي علي المكرونة شويه زيت علي شان ماتلزقش منك ولما تحضري الصلصة ضيفي المكرونه علي الصلصة وليس العكس

٤_لو الارز اتلسع منك اوعي تقلبي وتجيبي الا فوق تحت هاتي رغيف عيش وحطي علي وش الحله علي شان يمتث الريحه او بطاطس تقطع مكعبات وعلي وش الحله وتغطي لمده ٥ دقائق هتشيل الريحه تماماً

٥_قبل ما تسوي اي حاجه في الفرن لازم تسخنه كويس

٦_حطي شويه زيت علي وش برطمان الصلصة المفتوح علي شان مايعفنش

٧_الطماطم بعد ما تتفرم في الخلاط لازم تتصفي من القشر والتفل

٨_ استبدلي الحليب في الكيك بدل الزبادي او مشروب غازي زي السفن هايخليها هشه ومرتفعه

٩_لما تسلقي فراخ حطي ملح من بداية السلق ولما تسلقي لحمه حطي الملح في الاخر لما تستوي

١٠_بدل البيض في دهان الفطائر اضيفي ٢ معلقه حليب بودر في مياه دافي مع رشه نسكافيه وادهني بيهم قبل دخول الفرن

١١_علي شان الجيبنه الموزاريلا تمط لازم قبل ما تحطيها علي البيتزا تكون فكه مش مجمده وحطيها علي البيتزا قبل ما تستوي ١٠ دقايق خرجيها من الفرن حطي الجيبنه ودخليها تاني

١٢_ طريقه تخزين النعناع قطعي النعناع بالسكين او بالمخراطه ووزعيها في قالب الثلج وحطي كميه بسيطه من المياه في كل عين وحطيها في الفريزر وطلعي عند اللزوم

١٣_لما يكون في فلوس وتعملي فراخ بانيه حطي مع البيض لبن هتعمل طعم جامد وتساعد البقسماط انو مينفصلش عن الدجاج وقت التحمير وقبل ما تحطي البانيه في الزيت حطي في الفريزر ١٥ دقيقه كده البقسماط مينفصلش والف هنا وشفا برجاء المتابعه ليصلكم كل جديد.

. بحبكم في الله