جلاش بحشو المهلبية او القشطة
جلاش بحشو المهلبية او القشطة الكدابة
مكوناته 
للمهلبية:
٣ كوب حليب
٣ معالق نشا كبار
فانيليا
2معلقة كبيره قشطه (اختياري )
للشربات: 
٢ كوب سكر
٢ كوب ماء
فانيليا
عصرة ليمون
الطريقة:
هنجيب صينية ندهنها سمنة كويس جدا ونحط اول طبقة من الجلاش وبفرشة ندهنها دهنة خفيفة ونحط طبقة كمان وندهنها ونكررها نعمل من تحت ٦ طبقات جلاش علشان هتبقي دي الطبقة اللي شايلة المهلبية ونحط القشطة الكدابة عليها ونكرر نفس طبقات الجلاش من فوق هيبقوا ٤ طبقات وبعد كدة السمنة اللي هتبقي هنحطها علي الوش بعد ما نقطعه المهم الجلاش يبقي شارب السمنة وبعد ما يطلع من الفرن نصفيه من الزيادة وندخلها الفرن علي درجة حرارة ٢٠٠ نعمل الفرن تحت بس اول ربع ساعة وبعد كدة فوق وتحت ياخد لون دهبي حلو ونطلعه وهو سخن نحط الشربات البارد وبالهنا والشفا..
طريقة المهلبية:
نحط الحليب علي البارد عليه النشا و القشطة والفانيليا ونقلبهم كويس لحد ما يدوبوا ونحطهم علي النار ونفضل نقلب لحد ما الخليط يتقل ونسيبوا يبرد خالص
صلوا على الحبيب المصطفى
Labels:
حلويات