طريقه عمل السبانخ بالصلصة
طريقه عمل السبانخ بالصلصة احلي سبانخ بالطشة ممكن تعمليها 
المقادير
كيلو سبانخ
معلقه كبيره توم مفروم
معلقتين كبار كزبره خضره
عصير طماطم
بصله وسط
البهارات
معلقه صغيره من الكسبره
البابريكا ونص معلقة من الفلفل الاسود
الطشه
معلقه صغيره من الكسبره
معلقه صغيره من التوم المفروم
حبه طماطم مقطعه
كمون فلفل اسود
الطريقه
نغسل السبانخ جيدا نقطع السبانخ في حله علي النار فيها معلقه زيت ومعلقه سمن ننزل بمعلقه صغيره من التوم المفروم ونقلب اول لما ريحه التوم تطلع ننزل عليها بالبصله المفرومه ونقلب اول لما لونها يدخل علي اللون الدهبي نضع عليها معلقتين من الصلصه ونشوح فيها وننزل عليها بعصير الطماطم واول لما تتسبك نضع البهارات
البابريكا والفلفل الاسود والمرقه وشويه سكر والكسبره والملح ونضع عليها السبانخ بالخضره ونقلب ونغطي الحله اول لما السبانخ تنزل ميتها وتنشف ننزل عليها بالشوربه ونضع عليها معلقه مغسوله من الرز اول لما الرز يستوي نقفل عليها النار نيجي للطشه في طاسه نضع فيها معلقه من السمن ونحمر فيها معلقه صغيره من التوم ومعلقه من الكسبره واول لما لونها يكون زهبي ننزل عليها بطمطمايه مقطعه قطع صغيره وشويه كمون وفلفل اسود وملح اول لما تتسبك نحطها علي السبانخ تاخد غلوه ونقفل
وبالهنا والشفا
Labels:
معلومة