إنجلش كيك
 |
| إنجلش كيك |
إنجلش كيك
كيكة بالفواكة المجففة
أفضل نسخة لكيك الشاى
ف بولة عميقة
كوباية زبدة
كوباية و ربع سكر بودرة
نضرررررررررب
لحد ما الزبدة و السكر يبقى خليط ناعم و هش و فاتح
ننزل ب
4 بيضات
و نقطتين فانيلا سائلة
نضرب نضرب نضرب
بالمضرب الكهربى طبعا
نوقف ضرب أول ما البيض يختفى
و يبقى متجانس مع الخليط
ننزل بكوباية و نصف دقيق
رشة ملح بسيطة خالص
معلقة صغيرة مليانة بيكنج بودر يعنى 10 جرام
نسيب المضرب الكهربى خلاص
بالسباتيولا نقلب المواد الجافة
لحد ما يبقى معانا خليط كيك تقيل و ناعم
نحط بقى الفروتة الملونة العسولة
مقدار كوباية بس نسيب شوية للوش
نقلب اخر تقليبة عشان تمتزج مع الكيك
نجيب قالب الانجلش كيك
نبطنه بزبدة و دقيق أو بورقة زبدة
المتاح عندكم أستخدموه
نصب خليط الكيك القالب
ع الوش اخر شوية فروتة
نخبط القالب خبطتين عشان نقلل الفراغات بعد الخبز
ندخل قالب الكيكة فرن ساخن مسبقا حرارة 180
مدة 50 دقيقة
بس كدة نسيبه يبرد تماما و نقطعه شرائح
ريحة و طعم و شكل يجنن
جربوه و بالهناصلي علي النبي
Labels:
معجنات