معلومات بسيطه لكن هتفرق معاكي كتير

 

 

معلومات بسيطه لكن هتفرق معاكي كتير

1.لما تعملى أرز بشعرية وانتى بتحمرى الشعرية خلى لونها دهبى الرز المصرى 2 كوب رز عليهم 2 كوب ماية ونص كوب شعرية والملح حسب زوقك بس اوعى تحدقى

2.نسيتى معيار الماية لسقى الرز يبقى بعقلة صوباعك و الطريقة دى ناجحة

3.لما تيجى تسلقى مكرونة بنحط ملح فى الماية قبل ما تغلى علشان نعمل معادلة للطعم

4.طشة الملوخيةبتحمرى الثوم فى معلقة سمنة الاول ولما يبدء يدخل على اللون الدهبى نزلى عليهم الكسبرة تقلبتين وطشيها

5.لما تيجى تعملى شوربة الملوخية حطى فيها شوية ثوم مفروم وكسبرة ومكعب مرقة دة لو الشربة مش دسمة لو دسمة نستغنى عنة وابقى حطى رشة سكر

6.دقيق البسبوسة اسمو( سميد)او (سمولينا)

7.دقيق البسيسة اسمو دقيق ذرة

8.الشربات الحلويات اسمو سيرب او قطر او شربات

10.انواع السمنة(نباتى //بقرى)

11.الزبدة(بلدى//صفراء)

12.ورد الكشرى (البصل المحمر)علشان يبقى كرسبى بعد ما تقطعى رشى علية دقيق و اقلى او بعد ما يتحمر صفية من الزيت ورشى علية نشا

13.صلصة الكشرى ابشرى طماطم وسبكيها ونزلى الصلصة غلوتين واعملى طشة ثوم وكسبرة وطفيها بمعلقة خل ودى طريقتى المفضلة

14.شطة الكشرى الزيت حمرى شطة فى زيت ساخن وطفى بالصلصة بتاعت الكشرى

15.لو معندكيش زبادى وهتعملى معجنات هاتى كوباية لبن وعليها معلقة خل

16.بديل البيكنج بودر كربونات ومعلقة خل

17. محشى ورق العنب اعصرى ليمونة قبل السوا على وش الحلة

18.لما اكلة ملحها يزيد منك حطى بطاطس تمتص الملح الزائد

19.لما تكونى هتسلقى لحمة او فراخ خلى الماية تغلي بالنسبه للفراخ محلول نقعها فى ماية وعصير ليمون وملح وسكر وزنجبيل علشان نطرى الانسجة واى رائحة ظفارة تروح منها بس طبعا بنشطفها قبل ما نضعها فى الحلة

20.تتبيلة سلق اللحمة او الفراخ(حبهان/لورا/فلفل اسود/ملح/مكعب مرقة و ممكن من غيرها /رشة زنجبيل بودرة/رشة سكر صغيرة/بصلة حلوة كدة ندعك فيها التوابل ما عدا الملح لما تدخل على السوا)و دوقى احلى شوربة ولا الريحة بقة

21.لما تيجى تحمرى بصل لأى نوع أكل حمرى على نار هادية هتفرق فى الطعم ومش ها تتحرق منك

22.اول ما تدخلى مطبخك خلى عندك اولويات ازاى يعنى لو هتطبخى طلعى اللحمة ولعى على ماية علشان تسلقيها والخضار ابدئى جهزى والرز بتعملى اخر حاجة علشان يبقى ساخن

23.لو هتعملى كفتة مشوية خلى الجزار يفرملك حتة ضانى وحتة كندوز وكلى احلى كفتة

24.مكرونة الكشرى بعد ما بنسلقها بنحط عليها معلقة زيت ونقلبها علشان ما تمسكش فى بعض تبقى منفصلة عن بعدها

25.كل حاجة اعمليها بحب و بدون استعجال حبى مطبخك هاتطلعى احلى واطعم شغل

26.الوصفة اللى عينك ترتاح لها جربيها العين بتاكل قبل الفم

27.قبل ما تعملى معجنات اختبرى الخميرة الاول لو عملت فقعات هوا تبقى شغالة لو زى ما هى تبقى لا تصلح الاستخدام

28.لعمل الخميرة معلقة خميرة فورية معلقة سكر كوب ماء دافئ زى دمعة العين كدة

*المية السخنة بتفسد الخميرة

29.اختبار البيكنج بودر هاتى كوباية فيها شوية ماية و حطى رشة لو فار يبقى شغال لو زى ما هو يبقى لا يصلح

30.الرز البسمتى 2كوب ارز عليهم 3 كوب ماء

31. لما تشترى بتنجان رومى نقى الخفيفة

32.البطاطس بلاش تنقى اللى فيها بقع خضراء

33.الفراخ اشترى اللى لونها وردى

34.اللحمة اشترى قطعة يكون فيها حتة دهون علشان تعمل مرق للشوربة

35.السمك اشترى السمكة اللى عينها بتلمع والجسم يكون ناشف مش طرى والقشر ماسك مش بيطلع فى ايدك والخياشيم وردى وريحتها حلوة مش ريحتها عفن

36.مش كل الاكل بنسبك بصل بس فى بصل و ثوم وفى ثوم بس و فى بنعملة طاشة كل دة هعرفك علية بكل بساطة تابعينى

37.الفينو نشف عندك حمصية ف الفرن واطحنية وحطى علية توابل وبقى عندك فجيتار بيتى

هاتلاقى طريقتة ع الصفخة

38.خلى عندك نظرة دايما لحاجاتك يعنى تعرفى الاكل دة يكفى فردين امتى انزل اشترى اللى لزمنى اية اللى اقدر امشى نفسى بيه

39.البيض تحطية فى الثلاجة لانه مش بيستحمل بيضرب بسرعة

40.اللبن لو قطع منك اعملى قرص او زبادو او جبن كريمى او كيك او بشاميل بس ما يكونش مرر منك

41.بتخافى من البشاميل ليكلكع اضربى المكونات فى الخلاط وعلى نار هادية وقلبى لحد ما يتقل معاكى

42.سمك عجينة البينزا بيكون حوالي نص سم

43.سقى محشى البتنجان والكوسة والفلفل نص الحلة لانهم مش بياخدو سوا

44.رصى ورق العنب او الكرنب فى الحلة خلى فراغات بسيطة بينهم علشان يستوى براحتو والسقى يدوب الشوربة حواليةماتتطلعش فوقة

45.سوا المكرونة مش تخليها تعجن واول ما تسقطيها تعدى تقلبى شواية فيها لحد ما تحسى انها مش ماسكة فى بعض

46.حاولى بقدر الامكان تعملى حاجاتك فى البيت زى تدميس الفول وعجينة الطعمية والبرجر و الكبيبة و المعجنات والكيك والحلويات والصابون بتفرق معاكى كتير وكل دول اسهل مما تتخيلى وكله الحاجات دي موجوده علي الصفحه وعلي قناتي على اليوتيوب