مكرونة بشاميل بالكبد والقوانص
مكرونة بشاميل بطعم مختلف بالكبد والقوانص معمولين بخلطة تتاكل لوحدها كده والله 
مكرونة بشاميل بالكبد والقوانص
مكرونة قلم مسلوقة
كبد وقوانص
قرن فلفل حامي
طماطم مبشورة
ثوم مفروم
ملح - فلفل
قرفة - بهارات
سمنة
*بشاميل الخلاط*
لتر لبن - كوب دقيق
2 مثلث جبنة
م ك قشطة - زبدة
ملح - فلفل
*للوجه*
بيضة
فلغل اسود
كبشة بشاميل
يلا بينا ياقمر بعد المقادير ندخل علي التحضير
انزلي بالبصل والفلفل الرومي والحامي مع السمنه علي النار ياخدوا ويديوا مع بعض وبعدين حطي الثوم المفروم مع رشة ملح اول مايبدأو يدبلوا انزلي بالقوانص الاول تاخد صدمتها مع رشه فلفل اسود والطماطم المبشورة وزودي شويه مايه صغيرين تستوي فيها وتتشربها وقبل ماتحطي الكبدة تبلي بقي بالملح والفلفل ورشه قرفة و بهارات و انزلي بالكبدة وعليها رشه فلفل اسود مع نص كوباية مايه وتقليبه وغطي وسبيها تتشرب وتعيش مع نفسها
تعالي بقي نعمل بشاميل الخلاط
هنحط اللبن والدقيق والجبنة والقشطة والزبدة واضربيها كلها في الخلاط وبعدين انزلي بالخليط علي النار مع التقليب لحد مايتقل وياخد القوام المطلوب
رصي بقي الصينية حطي طبقة بشاميل الاول وعليها المكرونة مطعمه بالبشاميل وخلطة الكبد والقوانص في النص وياسلام لو عليها كمان كبشة بشاميل ومن فوق الوش اخلطي بيضة مع كبشة بشاميل وحطيها وعلي الفرن علي طول ياقمر
Labels:
معلومة