الكالزونى باكتر من حشوة

 

 

 

الكالزونى باكتر من حشوة

كالزوني بالفاهيتا

المقادير

- كوبايتين ونص دقيق.

- معلقه كبيره زبادي.

- ربع ملعقه صغيره ملح.

- نص معلقه صغيره سكر.

- معلقه صغيره خميره فوريه.

- 2 معلقة زيت نباتي.

- مياه دافيه حسب العجين "3/4 كوب".

- الحشو حسب اختيارك طبعاً سواء فاهيتا فراخ او لحمه.

طريقة التحضير

- نخلط الدقيق مع ربع معلقه صغيره ملح مع نص معلقه صغيره سكر ومعلقه صغيره خميره فوريه و نقلبهم كويس.

نضيف الزبادى والمياه الدافيه بالتدريج مع التقليب لحد ما العجينه تتماسك، نضيف الزيت ونعجن كويس ونغطيها ونسيبها تخمر ساعه.

- نقسم العجينه 6 كرات ونفردها بالدقيق على شكل دايره.

نحط الحشو اللي احنا عاوزينه ونوزعه على كل العجين ونضيف عليه جبنه موتزاريلا وجبنه شيدر.

- نقفل الأطراف كويس بطريقه مبرومه ونحطها فى صينيه مدهونه زيت أو سمنه.

- باستخدام الفرشاه ندهن السطح من فوق بالزبده.

- ندخلها الفرن ونشغله من تحت الاول ولما الاطراف تحمر نشغل الشوايه لحد ما تاخد اللون وبالهنا والشفا.

كالزونى بالبسطرمة *************

المقادير

2 كوب دقيق

2 معلقة كبير سكر

1 معلقة كبيرة خميرة فورية

ملعقة ص زعتر

زيتون قطع

نصف كوب حليب دافئ للعجن

1/2 معلقة صغيرة ملح

3 معالق كبيرة زيت

الطريقة

1- تعجن المكونات باللبن الدافئ وتوضع في مكان دافئ لتتخمر

الحشوة..

عبارة عن بسطرمه +جبنة شيدر وموتزاريلا+كاتشاب ومستردة +فلفل رومي وزيتون اول حاجة تدهنى كاتشاب ومسطردةوالحشو فلفل وجبنة شيدر وموتزرلا ممكن نعملها حجم صغير

نولع الفرن علي اعلي درجة

وندهن الوش بيض ندخلها وبلاش نوطي الفرن خالص

هتاخد حوالي 5 دقايق تستوي من تحت وبعدين نولع الشواية نحمر الوش