عمل البسبوسه

 

 

عمل البسبوسه

(( ملحوظه صغيره ))

** اولا: حاجة البسبوسه لازم الشربات بتاعها يكون خفيف يعني مايا بسكر مغليه وتتسقي وهيا لسه طالعه من الفرن يعني الشربات والبسبوسه سخنين بعد لما تطلع من الفرن وتسقيها لازم تغطيها بصنيه علشان تبقى طرية ومش طلع ناشفه

** ثانياً: بتتعمل بسمنه وياسلام لو بلدي وتركه معلقه الطحينه عشان ماتجزعش وكمان اللون الذهبي

**ثالثاً: مابتتقلبش البسبوسه بعد اضافه اللبن عشان السميد مايطلعش الجلوتين اللي جواه ويعمل عرق وتنشف منك

**رابعاً: لما تيجي تقطعيها لازم لما تبرد خالص عشان ماتفرولش منك ويفضل تتاكل تاني يوم

** خامساً: تسمي الله وتفتحي فرنك على درجه حراره 180 ونبدءا

المقاديـــــــــــــر

* 2 كوب سميد سايب

* نصف كوب سكر

* نصف كوب لبن

* 2 معلقة كبيرة جوز هند

* تلت كوب سمنه بلدى

* معلقه طحينه

* معلقه صغيره بيكنج بودر

* ذره ملح

* معلقه كبيره عسل كلوجوز

ودة بتبع عن العطار أو شربات تقيل لو متوفر او عسل أبيض

الطريقـــــــــــــة

** اول حاجة هنجيب السكر والسميد والبيكنج بودر وجوز الهند وذره الملح ونقلب كله مع بعض

**وبعدين ننزل بالسمنه ونبسه كويس اوي خلاص كل حبيبات السميد اتغلفت

** ندفي اللبن ومعلقه عسل الكلوجوز ومعلقه الطحينه وننزل بيها عالخليط وماتعجنيش يادوب تقلبي المكونات مع بعض عشان ماتنشفش منك

** وتنزليها في صنيه البسبوسه مدهونه طحينه برده

وتضربي الصنيه كام ضربه عالرخامه وتدخليها الفرن على طول

(( الشربات))

* كوب ونصف مايه

* 2 كوب سكر

** معلقه سمنه بلدي يادوب يغلو ويدبو مع بعض وتنزلي بيها بتغلي علي البسبوسه

** ومن اسرار نجاح البسبوسه انها تشرب كل الشربات بعدين تغطيها وتشليها بالتلاجه لحد ماتبرد

وبالهنا والشفا

صلوا على الحبيب المصطفى