صينيه بطاطس عظمة من غير لحمه ولا فراخ
صينيه بطاطس عظمة من غير لحمه ولا فراخ 
هنجيب كيلو بطاطس نقشرها ونقطعها شرايح رفيعة حلقات
معلقتين كبار زبدة أو سمن
كوباية ونص حليب+ كوباية زبادي
كوباية جبنة شيدر مبشورة
ملح و فلفل
بقدونس للتزيين
نسخن الفرن على درجة حرارة ١٨٠
نعمل الباشميل بقى .. ندوب الزبدة في حلة على نار متوسطة ونحط عليها الدقيق لحد مايوصل للون دهبي بسيط بعد كده نضيف الحليب تدريجي واحنا بنقلب تقليب مستمر بالمضرب اليدوي لحد مايلف معانا ( عايزيين كثافتة متوسطة ) بعدين نضيف الزبادي وتقلبتين ونشيله من على النار ونضيف الجبنة الشيدر والملح والفلفل ونقلبهم كويس نجيب صينية ونحط فيها معلقتين باشميل ونرص نص كمية البطاطس ونرجع نحط باشميل تاني
وباقي كمية البطاطس واكمل بباقي الباشميل اللي عندي واحط فوق الوش نص كوباية ميكس جبن ( شيدر - موتزاريلا )
ويالا بينا على الفرن ونسيبها لمدة ٤٥ دقيقة وبعدها ١٥ دقيقة تحت الشواية لحد ما تآخد معانا اللون الدهبي الجميل واول ماتخرج وتهدى نزينها بالبقدونس
وبالهنا
Labels:
معلومة