كرات التمر الصحيه ( كرات الطاقه )

 

كرات التمر الصحيه ( كرات الطاقه )

الخلطه الاساسيه :

كوب تمر طرى

نص كوب شوفان او بسكوت دايجستف او اى نوع بسكوت او ممكن من غير

كوب مكسرات حسب الرغبه

معلقتين زبده فول سودانى او طحينه او عسل

فانيليا

قرفه

ممكن حبهان مطحون او جنزبيل

اضافات حسب الرغبه :

ربع كوب جوز هند

اى نوع من البذور والحبوب ( حب شمسي ، حب يقطين ، بذور الكتان ، شيا )

فاكهه مجففه مقطعه صغير ( مشمشية ، تين ، زبيب ، قراصيه )

لو حبينها بالشوكولاته :

٢ معلقه كاكاو

ممكن زبده الفول سودانى او نبدلها بملعقتين نوتيلا

شوكلت شيبس او شوكولاته مبشوره

- لو التمر طرى بنطحنه على طول فى الكبه مع زبده الفول سودانى او الطحينه حتى يصبح مثل المعجون

- ولو التمر جامد شويه بننقعه فى ماء ساخن لحد ما يطرا ونصفيه ونطحنه

- ثم نطحن المكسرات والشوفان او البسكوت تكون مجروشه مش ناعمه تماما

- ثم نضع عليهم معجون التمر ونخلط المكونات مع بعض ونبدا نشكلها كور وممكن استكفى بكده او نضعها فى جوز هند او سمسم محمص او مكسرات مجروشه ونغلفها بيها

- او نسيح شوكولاته ونغلفها بيها ونضعها فى التلاجه تتماسك

- بنحتفظ بيها فى علبه فى التلاجه بتقعد من اسبوع ل اتنين