طريقة عمل طاجن المكرونه بالفراخ
طريقة عمل طاجن المكرونه بالفراخ
المقادير :
نص كيلو فراخ متقطع مكعبات صغيره
2 بصله كبيره مفرومه
قرن فلفل مفروم حامي او بارد
التوابل ربع م ص كل من (كاري.. كزبره ناشفه.. فلفل اسود.. بابريكا.. سبع بهارات.. ملح حسب الرغبه)
الطريقه :
ف طاسه هنضيف زيت وننزل بالبصل والفلفل لحد مالبصل يدبل ننزل بالفراخ وبعدين نشوح كويس جدااا لحد مالفراخ تنزل ميتها وتشربها تاني وبعدين ننزل بالتوابل والتوم ونخلط وبعدين نقفل النار وتبقي كده الفراخ جاهزه
طريقه الصلصه للطاجن:
حله وهنحط فيها زيت وبعدين ننزل ببصله مفرومه نشوحها لحد ماتتدبل وبعدين ننزل بنص كيلو طماطم معصوره ونسيبها تتسبك وبعدين ماتتسبك هننزل ب3 م ك خل ابيض و2 فص توم مفروم والتوابل (ملح وفلفل اسود وكزبره وكمون وسبع بهارات وبابريكا)
وبعدين نقفل النار وتبقي كده الصلصه جاهزه
الطاجن
هندهن الطاجن زيت وننزل بالفراخ ف قاع الطاجن وبعدين ف الحله اللي فيها الصلصه هننزل بنص كيلو مكرونه قلم ونقلبهم ف الصلصه وننزل بربع كوب ميه مغليه وننزل بكل ده ع الطاجن اللي فيه الفراخ وبعدين نغلفها بالفويل وتدخل فرن ساخن ع درجه حراره 200 ف الرف الاوسط لمده 30 دقيقه وبتكون استوت وتوووحفه
المكرونه نيه مش مسلوقه
تخرج من الفرن تهدي خمسه وبعدين نجيب الطبق بتاعنا ونقلبها ف طبق وقدميها وكلي احلي طاجن مكرووونه
Labels:
معلومة