طريقة عمل تشيز كيك مانجو

 

 

طريقة عمل تشيز كيك مانجو

المقادير:

لطبقة البسكويت:

٣ كوب بسكويت سادة مطحون ناعم
كوب زبدة سائلة

طبقة التشيز:

٤٠٠ جرام جبنة كيري سبريد
٢ كيس كريم شانتيه دريم
١ قشطة بوك
نصف كوب كريمة حلويات او كريمة لباني
معلقة جيلاتين بودرة
ربع كوب ماء دافئ
كوب مانجو قطع
كيس جيلي مانجو

لطبقة المانجو:

مانجو مقطعة قطع
كيس جيلي مانجو
طريقة التشيز كيك:

البسكويت:

نحط البسكويت علي الزبدة ونقلبهم كويس ونفردهم في قالب التشيز كيك ونضغط عليهم جامد ونتركهم في التلاجة ربع ساعة ..
التشيز : نضرب الجبنة الكريمي شويا بالمضرب الكهرباء لحد ماتفك ونحط عليها كيسين الكريم شانتيه والقشطة البوك وكريمة الحلويات او الكريمة اللباني وندوب معلقة الجيلاتين في ربع كوب ماء ساخن لحد ما تدوب كويس ونحطها علي الخليط وندوب كيس جيلي مانجو في ربع كوب ماء ساخن ونحطهم علي الخليط ونقلبهم كويس اوي ونحط كوب المانجو القطع ونحط الخليط علي البسكويت ونسيبه في التلاجة ٣ الي ٥ ساعات او لتاني يوم ليجمد..

لطبقة المانجو:

نحط قطع المانجو ونحط عليها جيلي المانجو بعد ما ندوبوا في مياه سخنة ونحطها في الثلاجة ونطلعها بعد ٣ ساعات وبالهنا والشفا..