كنافة بورمة بالمكسرات

 

 

كنافة بورمة بالمكسرات 

المقادير:
• 1/2 كيلو كنافة
• 1/2 كوب سمنة مذابة
• مكسرات حسب الرغبة (سوداني، فستق، بندق)
• شربات (سيرب)

مقادير الشربات:
• 1 1/2 كوب سكر
• 1 كوب ماء
• عصير نصف ليمونة

طريقة تحضير الشربات:
في حلة على النار، نخلط السكر مع الماء ونقلب لحد ما يدوب السكر. أول ما يبدأ الخليط يغلي، نضيف عصير الليمون ونسيبه يغلي لمدة 10 دقائق، وبعدها نرفعه من على النار ونسيبه يبرد تمامًا.

طريقة تحضير الكنافة البورمة:

1. نحط الكنافة في الفريزر لحد ما تتجمد تمامًا، وبعدها نفركها بإيدينا لحد ما تتفتت كويس.
2. في بولة واسعة، نحط الكنافة ونضيف عليها السمنة المذابة، ونفركها كويس بأصابعنا لحد ما تتشرب السمنة تمامًا.
3. نرفع الكنافة على نار هادية، ونقلبها باستمرار لحد ما تاخد لون دهبي حلو، وبعدها ننقلها في طبق واسع عشان تبرد.
4. في بولة صغيرة، نخلط المكسرات مع ملعقتين كبار من الشربات عشان تفضل طرية جوه الكنافة.
5. نضيف 7 ملاعق أو أكتر من الشربات على الكنافة حسب الرغبة، ونقلب كويس.
6. نفرد ورقة زبدة على سطح مستوٍ، ونوزع عليها طبقة مستطيلة من الكنافة، بحيث تكون كفاية لتكوين رول (أسطوانة).
7. نحط الحشوة في المنتصف، ونبدأ نلف الكنافة باستخدام الورقة للمساعدة، بس من غير ما تلفيها جوه الكنافة نفسها.
8. بعد ما تتشكل رول، نشد الورقة برفق ونسحبها للخارج، عشان تفضل الكنافة ملفوفة كويس.
9. نرص الكنافة الملفوفة في صينية مدهونة بالسمنة، وندخلها فرن سخن على درجة حرارة 180 لحد ما تتحمر ويبقى لونها دهبي.
10. أول ما تطلع من الفرن، نسقيها بالشربات البارد وهي سخنة، ونسيبها تشربه تمامًا.
11. نقطعها بالحجم المناسب ونقدمها وبالهنا والشفا.