الفراخ المشوية في الفرن

 

 

الفراخ المشوية في الفرن 

المقادير:

• 1 فرخة وزن 1.5 كجم

• 2 ملعقة كبيرة زبادي

• 1 ملعقة كبيرة معجون طماطم

• 1 ملعقة صغيرة بابريكا

• 1 ملعقة صغيرة كركم

• 1 ملعقة صغيرة كاري

• 1 ملعقة صغيرة كمون

• 1 ملعقة صغيرة فلفل أسود

• 1 ملعقة صغيرة ملح

• 1 ملعقة صغيرة شطة (اختياري)

• 3 فصوص ثوم مهروس

• 2 ملعقة كبيرة زيت زيتون

• عصير ليمونة

• 1 ملعقة صغيرة عسل (يعطي لون ولمعة جميلة)

• 2 حبة بطاطس مقطعة مكعبات كبيرة (اختياري)

الطريقة:

1. اغسلي الفراخ كويس وانقعيها في مياه بملح وخل لمدة 30 دقيقة، ثم صفيها.

2. اعملي فتحات بالسكينة في الفراخ عشان التتبيلة تدخل جوه.

3. في بولة، اخلطي الزبادي ومعجون الطماطم والتوابل والثوم المهروس وعصير الليمون والزيت والعسل.

4. ادهني الفراخ بالتتبيلة من كل الجوانب، وتحت الجلد، وسيبيها في التتبيلة لمدة لا تقل عن 3 ساعات، ويفضل ليلة كاملة في التلاجة.

5. لو هتشويها في الفرن، سخني الفرن على 200 درجة، وحطي الفراخ في صينية مع البطاطس، وغطيها بورق فويل.

6. دخليها الفرن لمدة ساعة، وبعد كده شيلي الفويل وشغلي الشواية فوقها عشان تاخد اللون المشوي.

7. لو هتشويها على الفحم، حطيها على شواية متوسطة الحرارة مع التقليب المستمر لحد ما تستوي وتاخد اللون دهبي غامق.

8. قدميها مع أرز أبيض وسلطة خضراء، وبالهنا والشفا