الزيتون بأبسط طريقة

 

 

 

الزيتون بأبسط طريقة

مش بنقع الزيتون

بيفقد ريحته وطعمه المميز في ماء النقع

نفرز الزيتون السليم بيتغسل كويس ونعبيه فالبرطمان وشطة وعصير ليمون وبس كدة

عالوش نكبس البرطمان بقشر الليمون اللي اخدنا عصيره

نعمل محلول ملح كل لتر ماء بياخد نصف كوب معياري ملح خشن والملح ده أفضل من الملح الناعم في المخللات

يعني كل كوب معياري ماء عليه ملعقة كبيرة مليانة ملح خشن

نملأ البرطمان بمحلول الملح ونسيب قيمة ربع كوب او اقل شوية صغيرة فاضي على وش البرطمان نزوده زيت زيتون او زيت عادي علشان يعمل عازل بين الزيتون والهواء ونقفل الغطاء باحكام

كدة يقعد معاكم طول السنة زي الفل

افتحوا عليه مثلا في شهر 12 او شهر واحد احنا دلوقتي 30/8

بالنسبة للزيتون اللي فيه عيوب بنفدغه او نكسره باستخدام ايدك الهون او شاكوش البفتيك او قاعدة كوباية او بعصارة الليمون

استخدموا الطريقة المريحة ليكم

بس قبل ما نعمل كدة يكون مغسول كويس وبردو مش بيتنقع

ونملحه بنفس الطريقة السابقة بالظبط ولا اضافات ولا اختراعات ولا افتكاسات

ده بيستوي بسرعة ممكن تفتحوا عليه بعد شهر مثلا هيبقى مظبوط جدااااا احلى زيتون فالطعم والريحة باذن الله