طريقة عمل دبابيس الفراخ المشويه
طريقة عمل دبابيس الفراخ المشويه
الوصفه دي مش للدبابيس بس
دي تشتغل معاك للفراخ عموما
الوصفه باختصار
معلقه بابريكا. نص معلقه فلفل أسود .معلقتين سكر بني . معلقه جنزبيل . معلقه ملح . نص معلقه شطه.معلقه توم باود .معلقه بصل باودر.ومحدش يقلق من السكر .السكر وظيفته لون حلو وبيعمل احساس عجيب بيلف كده في آخر البوء ويكسر الشطه.
نخلط بقي الكلام الجميل ده كله مع بعضه ونسيبه
وبعدييييين؟
نجيب الفراخ بتاعتنا ونعملها مساج حلو اوووي بحته زبده لينه. ونتوصي يا جماعه.
وبعدين ندعك الفراخ بخليط التوابل الفظيع اللي فوق ده
نيجي بقي للتسويه
عندك شوايه وفحم ماشي عندك جريل بوتجاز ماشي عندك فرن ماشي
بس الفحم والفرن افضل حاجه
تسويه الفرن بقي بتكون عن طريق اننا بنجيب طاسه او صينيه ونملاها ميه و كام شرايحه لمون ويا سلام لو كمان عود روز ماري ونحط شبكه فوق الصينيه وفوقيهم الفراخ
علي اعلي درجه حراره لمده ٤٠ دقيقه ومن تحت بس .
هتقولي الميه والكلام الغريب ده لزمته ايه ؟
ااقولك الفراخ هتطلع طرية ولطيفه وريحه الروز ماري رووووعة
نيجي بقي للصلصة
معلقه صلصه ومعلقه كاتشب ونقطتين عصير لمون وطلع الفراخ قبل ما تنهي التسويه ب١٠ دقايق وتدهن بقي فراخك وتتخيل نفسك فنان تشكيلي بيرسم لوحته ودخل تاني الفرن وكمل تحميرها
والف هنا